بە گوێرەی داتاکانی سایتی شەفافییەت بۆ داهات، لە سنووری سلێمانی و هەڵەبجە و ئیدارە سەربەخۆکانی گەرمیان و راپەڕین، داهاتی هەفتەی رابردوو 9 ملیار و 989 ملیۆن و 32 هەزار و 900 دینار بووە.
بە گوێرەی ئامارەکان داهاتی ئەم هەفتەیە بەراورد بە هەفتەی پێشوو کەمتربووە، بە جۆرێک 474 ملیۆن دینار کەمی کردووە لە کاتێکدا هەفتەی رابردوودا 10 ملیار و 463 ملیۆن و 145 هەزار و 803 دینار بووە.
بەگوێرەی داتاكانی وێبسایتی شەفافییەت، داهاتی ساڵی 2024ی سلێمانی كە لە رێژەی تۆماری گەنجینەكانی پارێزگاكەوە وەرگیراوە، کەمتر لە 1 ترلیۆن دینارە و بەراورد بە ساڵی 2023 داهاتی سلێمانی کەمی کردووە کە زیاتر لە یەک ترلیۆن دینار بووە.
بەگوێرەی ئەو داتایانەی كە سایتی شەفافییەت بڵاوی كردوونەتەوە، داهاتی ساڵی 2024 ی سلێمانی و هەڵەبجە و ئیدارە سەربەخۆكانی گەرمیان و راپەڕین كە لە (گەنجینەی 1، گەنجینەی 2، گەنجینەی چەمچەماڵ، گەنجینەی گەرمیان، گەنجینەی هەڵەبجە، گەنجینەی راپەڕین)، كۆكراونەتەوە بریتییە لە 863 ملیار و 595 ملیۆن و 666 هەزار و 691 دینار، كە بەشێوەی نەختینە رێژەی 86٪ و چەك 12٪ و مقاصەش 4٪ بووە.
ئەمەش لەکاتێکدایە داهاتی ساڵی 2023ی سلێمانی بریتی بووە لە 1 ترلیۆن و 173 ملیار و 618 ملیۆن و 353 هەزار و 315 دینار، کەبەو پێیەش بەراورد بە ساڵی 2024 داهاتەکە بە بڕی 310 ملیار دینار زیاتر بووە.
