بێوار عەبدولعەزیز، وتەبێژی بەرگریی شارستانیی دهۆک رایگەیاند، 11 کەس بەهۆی تەنگەنەفەسییەوە رەوانەی نەخۆشخانە کراون و زیاتر لە 100 دوکان لەناو بازاڕەکە سووتاون و توشی زەرەر و زیانی زۆر بوون.
ئاماژەی بەوەشکرد، لە رێگەی چەندین تیمی بەڕێوەبەرایەتی بەرگریی شارستانیی دهۆک و لایەنە ئەمنییەکانی دیکە و بە هەوڵی هەموو لایەک توانراوە ئاگرەکە کۆنترۆڵبکرێت.
ئاگرەکە درەنگانی شەوی رابردوو، لە ناو بازاڕی چەلێی دهۆک کەوتەوە، زیانێکی زۆری بە دوکاندار و خاوەنکاران گەیاندووە و باس لەوە دەکرێت بە سەدان دوکان بەهۆی ئاگرەکەوە سوتابن، دوکاندارەکان باسیان لەوەکرد قەبارەی زیانەکەیان زۆرە و چەندین دەفتەر دۆلاریان لەناو بازاڕەکەدا بووە و توشی ئیفلاسی کردوون.
