وەزارەتی بازرگانی و پیشەسازیی هەرێم ئەو جووتیارانە ئاگاداردەكاتەوە كە گەنمیان رادەستی سایلۆی هەولێر كردووە بە مەبەستی وەرگرتنی چەكی ساڵی 2023.
بەپێی راگەیەندراوێكی وەزارەتی بازرگانی و پیشەسازیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئاگاداری برا جووتیارەكان دەكەینەوە ئەوانەی گەنمیان رادەستی سایلۆی هەولێر كردووە سەردانی سایلۆ بكەن بە مەبەستی وەرگرتنی چەكی ساڵی 2023 كە لە پسووڵەی ژمارە یەك تاوەكو 696 دەستپێدەكات لە رۆژی چوارشەممە 16ی 8ی 2023.
لە راگەیەندراوەكەدا هاتووە، پێویستە جووتیاران كۆپی رەنگا و رەنگ، ناسنامەی باری شارستانی و وەكالەیان پێبێت.
