ئەمجەد رەواشدە، بەڕێوەبەری گشتیی کۆمپانیای نیشتمانی کارەبای ئوردن رایگەیاند، رۆژی شەممەی داهاتوو هێڵی کارەبای عێراق – ئوردن دەکەوێتە کار.
ئەو بەرپرسەی ئوردن روونیشیکردەوە، ”هێڵەکە بە هاوبەشی لە نێوان وێستگەکانی کارەبای ئەلریشە لە ئوردن و وێستگەی ئەلروتبە لە عێراقدا دەبێت بە ڤۆڵتیەی 132 کیلۆڤۆڵت و مەبەست لەو کارە کەمکردنەوەی لۆدی ناوچەی روتبەی نزیک سنووری ئوردنە.
رۆژی 11ی شوبات، لە عەمانی پایتەخت، عێراق و ئوردن بەڵگەنامەیەکیان واژووکرد بۆ دابینکردنی وزەی کارەبا بە لایەنی عێراقی بە توانای 40 مێگاوات لە قۆناغی یەکەمدا.
