بەهای دۆلار لە بازاڕەکانی هەرێمی کوردستان لە بەیانی ئەمڕۆدا دابەزینی بەخۆیەوە بینی، بە جۆرێک 100 دۆلاری ئەمریکی لە هەولێر بۆ 146 هەزار و 850 دینار و لە سلێمانی بۆ 146 هەزار و 900.
ئێوارەی دوێنێ بەهای 100 دۆلار لە کاتی داخستنی بازاڕەکانی دراو لە شارەکانی هەرێمی کوردستان لە سەروو 147 هەزارەوە بوو، بە 147 هەزار و 300 دینار مامەڵەی پێوەدەکرا.
ماوەی چەند رۆژێکدا بەهای دۆلار لە بازاڕە ناوخۆییەکانی عێراق و هەرێمی کوردستان ناجێگیرە و لەماوە چەند رۆژێکدا لە 150 هەزار دینارەوە دابەزین بۆ 146 هەزار و 800 دینار و دواتر تا 148 هەزار دینار بەرزبوونەوەی بەخۆیەوە بینییەوە، بەر لەوە داببەزێتەوە بۆ ئەو نرخەی ئەمڕۆ.
