بەڕێوەبەرایەتیی ئەوقافی ھەولێر رایدەگەیەنێت، ئەو کەسەی هێرشی کردبووە سەر مامۆستایەکی ئاینیی دەستگیرکرا.
لە راگەیەندراوێکدا بەڕێوەبەرایەتیی ئەوقافی ھەولێر ئاماژە بەوە دەکات، ”دوای ئەوەی شەوی رابردوو لەکاتی جێبەجێ کردنی ئەرکی ئاینی و خزمەتکردنی رۆژووەوانان لەلایەن کەسێکەوە بە ناڕەوا و دوور لە ئادابی ئاینی و کۆمەڵایەتی ھێرش کراوەتە سەر مامۆستای مزگەوتی گڵوباڵ سیتی، وێڕای بەتوندی ئیدانەکردنی ئەو رووداوە، راستەوخۆ رێکاری یاسایمان لەگەڵ دەزگا پەیوەندیدارەکان گرتەبەر و ھەماھەنگ بووین تاوەکو تۆمەتبار دەستگیرکرا”.
دەشڵێت، ”دامەزراوەکانی ئەوقاف داکۆکیکار و بەریگریکار و پارێزەری راستەقینەی مامۆستایانن و بەدواداچوونیش بۆ ئەو رووداوە دەکەین تاوەکو یاسا رێڕەوی خۆی بەتەواوی وەردەگرێت”.
