بە گوێرەی رۆژژمێری حکومەتی هەرێمی کوردستان بۆ ساڵی 2024، مانگی نیسان یەکێکە لەو مانگانەی ژمارەی رۆژە پشووەکانی زۆرە، بەهۆی جەژنی رەمەزانەوە چوار رۆژ پشووە و دوو رۆژی دیکەش پشوو دەبێت لەم مانگەدا.
لە رۆژژمێرەکەدا ئاماژە بەوەکراوە، رۆژی یەکی نیسان کە دووشەممەی هەفتەی داهاتوو دەکات، پشووی فەرمیی دەبێت بەهۆی سەری ساڵی ئاشوورییەکانەوە.
دواتریش رۆژانی 9 و 10 و 11 و 12 پشووی فەرمی دەبێت بەبۆنەی جەژنی رەمەزانەوە.
رۆژی 17ی مانگی نیسانیش، جەژنی سووری ئێزدییەکانە و سەری ساڵیانە و بەهۆیەوە پشووی فەرمییە.
