بەڕێوەبەرایەتیی هاتوچۆی کۆیە ئاشکرایکرد، بەهۆی ڕووداوێکی هاتوچۆوە کەسێک گیانیلەدەستداوە و دوو کەسیش بریندرابوون.
لە ڕاگەیەندراوێکی هاتوچۆی کۆیەدا هاتووە، ڕووداوەکە لەسەر ڕێگای نێوان کۆیە – هەولێر لە دۆڵی سماقوڵی لە نزیک گوندی سوسێ، لەنێوان دوو ئۆتۆمبێلی جۆرەکانی هیوندای ئەلەنترا و ترێلە مێرسیدسدا ڕوویداوە.
ئاماژە بەوەشکراوە، لە ڕووداوەکەدا کەسێک کە سەرنشینی یەکێک لە ئۆتۆمبێلەکان بووە گیانیلەدەدستداوە و دوو شۆفێرەکەش برینداربوون.
بەپێی هاتوچۆی کۆیە، ڕووداوەکە بەهۆی پێشکەوتنی هەڵە بووە لەلایەن ئۆتۆمبێلی ترێلەکە، کە شۆفێرەکەی خەڵکی وڵاتی تورکیایە.
