ئەنجومەنی لقی سلێمانی یەكێتیی مامۆستایان دەڵێت، “پێشنیازدەكەین حكومەت مووچەی مانگەكانی دوو و سێ پێش جەژنی رەمەزان دابەشبكات و داواشدەكات مامۆستایان و فەرمانبەران سەرپشك بكرێن لە هەڵبژاردنی بانكی فیدڕاڵی یاخود هەرێمی كوردستان بۆ دروستكردنی هەژماری بانكی”.
بەپێی راگەیەندراوێكی ئەنجومەنی لقی سلێمانی یەكێتیی مامۆستایان كە وێنەیەكی دەست تۆڕی میدیایی ئێستا كەوتووە و تێیدا هاتووە، پێشنیازدەكەین حكومەت مووچەی مانگەكانی شوبات و ئازار پێش جەژنی رەمەزان دابەشبكات چیتر بابەتی مووچە نەبێت بە هەواڵ.
هەر لە راگەیەندراوەكەدا هاتووە، لە مانگی حوزەیرانی ساڵی ڕابردووەوە تا ئێستا واتە لە ماوەی نۆ مانگدا تەنها چوار مووچە دابەشكراوە، سەرەڕای مووچە پاشەكەوتككراوەكانی ساڵی رابردوو كە بەهۆیەوە گوزەران و ژیانی مووچەخۆران و هاوڵاتییانی زۆر قوورس كردووە.
هاوكات داواشدەكات مامۆستایان و فەرمانبەران سەرپشك بكرێن لە هەڵبژاردنی بانكی فیدڕاڵی یان هەرێم بۆ دروستكردنی هەژماری بانكی.
