ئەمریكا.. لایەنگرانی ترەمپ چوونە ناو كۆنگرێس و شەڕ دروستبوو

ژمارەیەكی زۆر لە لایەنگرانی دۆناڵد ترەمپ، سەرۆکی ئەمریکا چوونە ناو باڵەخانە و هۆڵی کۆنگرێسی ئەمریكا و شەڕ و توندوتیژی لەنێوان پۆلیس و لایەنگرانی ترەمپ-دا دروستبوو، بۆ ڕێگریكردن لە ئاڵۆزبوونی زیاتر، پۆلیس باڵەخانەكەی داخست.

لای خۆیەوە نانسی پیلوسی، سەرۆكی ئەنجومەنی نوێنەران داوایكرد خۆپیشاندەران شوێنەكە بەجێبهێڵن و پۆلیس بە تەواوەتی دایبخات، بەڵام لایەینگرانی ترەمپ لە ئێستادا كۆنگرێس-یان كۆنترۆڵكردووە.

لەگەڵ زیاتر بڵاوبوونەوەی لایەنگرانی ترەمپ و ئاڵۆزتربوونی دۆخەكەدا، شارەداری واشنتن قەدەغەی هاتوچۆی تەواوەتی بۆ ماوەی 12 كاتژمێر ڕاگەیاند، بەڵام بەوپێیەی هێشتا بڕیارەكە نەخراوەتە بواری جێبەجێكردنەوە، لایەنگرانی ترەمپ لەسەر شەقامەكانن و تا دێت زیاتر بڵاودەبنەوە، هۆكاری خۆپیشاندان و ناڕەزایەتییەكەشیان، ئەوەیە كە قایل نین بە بوونی جۆ بایدن بە سەرۆكی ئەمریكا پێیانوایە ساختەكاری لە هەڵبژاردنی سەرۆكایەتیدا كراوە و دەیانەوێت ترەمپ لە سەرۆكایەتیدا بمێنێتەوە.

لە ماوەی كاتژمێری ڕابردوودا و بەهۆی ئاڵۆزییەكانەوە، کۆنگرێس كۆبوونەوەكەی هەڵپەساردبوو، بەڵام كەمێك لەمەوبەر كۆبوونەوەكە دەستپێكرایەوە كە تایبەتە بە پەسەندكردنی ئەنجامی دەنگەکانی ئەنجومەنی هەڵبژاردن بۆ هەڵبژاردنی سەرۆک و جێگری سەرۆکی ئەمریکا.

بابەتی پێشتر

ناپۆلی 1-2 سپیزیا

بابەتی دواتر

كاردانەوەی بایدن بەرانبەر بە لایەنگرانی ترەمپ

بابەتی پەیوەندیدار
Total
1
Share