بەیانی ئەمڕۆ لەگەڵ کردنەوەی بازاڕەکانی دراو لە شارەکانی هەرێمی کوردستان بەهای 100 دۆلاری ئەمریکی بۆ 147 هەزار و 450 دیناری عێراقی دابەزینی بەخۆیەوە بینی.
ئەمەش لە کاتێکدایە، دوێنێ کاتی داخستنی بازاڕی دراو لە شارەکانی هەرێمی کوردستان و عێراق 100 دۆلاری ئەمریکی هاوتای 148 هەزار و 200 دیناری عێراقی بوو.
هەر دوێنێ، مەزهەر محەمەد ساڵح، راوێژکاری دارایی سەرۆک وەزیرانی عێراق رایگەیاند، بەهۆی دروستبوونی سەقامگیری ئابوری و سەرکەتوبوونی سیاسەتی دارایی عێراقەوە، بەهای دۆلار دابەزیوە.
مەزهەر محەمەد ساڵح وتیشی، “بۆ یەکەم جارە لە مێژووی عێراقدا، 111 ملیار دۆلار یەدەگی دارایی عێراقە و پشتیوانی لە کەرتی تایبەت و پارەدارکردنی بازرگانیی دەکات.
