لە چەند مانگی رابردوودا دوبەی پێشوازی زیاتر لە 8 ملیۆن گەشتیاری نێودەوڵەتی کردووە

بەپێی راپۆرتێکی فەرمانگەی ئابوری و گەشتیاریی دوبەی، لە سەرەتای مانگی کانوونی دووەمەوە تاوەکو کۆتایی مانگی ئایاری ئەمساڵ، پێشوازی لە 8 ملیۆن و 12 هەزار گەشتیاری نێودەوڵەتی کراوە و بەراورد بە هەمان کاتی ساڵی رابردوو بەڕێژەی 10% زیادیکردووە.
بەگوێرەی راپۆرتەکەی فەرمانگەی ئابوری و گەشتیاریی دوبەی، گەشتیارانی وڵاتانی رۆژئاوای ئەوروپا لە پێشەنگی گەشتیارانی ئەو وڵاتانەن کە لە پێنج مانگی یەکەمی ئەمساڵدا سەردانی دوبەیان کردووە بەرێژەی 21%، دوای ئەویش گەشتیارانی باشووری ئاسیا دێن بەرێژەی 17%، هاوکات وڵاتانی رۆژهەڵاتی ناوەڕاست و باکووری ئەفریقا لە ریزبەندی پێنجەمدا دێن بەرێژەی 12%”.
لە راپۆرتەکەدا ئاماژە بەو ژوورانە کراوە کە لەلایەن گەشتیارانەوە لە هۆتێلەکاندا بەکرێگیراون و فەرمانگەکە دەڵێت، ”ژمارەی ئەو ژوورانە لە ماوەی ئەو پێنج مانگەدا لەلایەن گەشتیارانەوە بەکرێگیرابوون 18 ملیۆن و 34 هەزار ژووری تێپەڕاندووە، ئەمەش بە بەراورد بە هەمان ماوەی ساڵی 2023، بەڕێژەی 4% زیادیکردووە”.