یاریزانێکی لەشجوانی میسری بەهۆی زیادەڕەویکردن لە بەکارهێنانی وزەبەخش و تەواوکەرە خۆراکییەکان گیانیلەدەستدا.
یاریزانەکە ناوی ئەیمەن مەجدییە، ماوەی سێ مانگ بوو بەدەست کێشەی کۆڵۆن و گەدەوە دەیناڵاند و دەرکەوتبوو تووش برینی سەختی گەدە بووە.
ئەو یاریزانە دوای ئەوەی لەماڵەوە دۆخی تەندروستیی تێکدەچێتەوە دەگەیەندرێتە نەخۆشخانە و بە ماوەیەکی کەم گیانلەدەستدەدات.
بە وتەی پزیشکەکانی، کاتێک یاریزانەکە گەیەندراوەتە نەخۆشخانە فشاری خوێنی بەرزبووە و تووشی جەڵتەی دڵ بووە.
کەسوکارەکەی دەڵێن، زیادەڕەویکردن لە بەکارهێنانی وزەبەخش و تەواوکەرە خۆراکییەکان هۆکاری نەخۆشکەوتنی و گیانلەدەستدانی بووە.
