بەهۆی ئەو شەپۆلە بارانبارینەی ناوچە جیاوازەکانی عێراقی گرتووەتەوە، لیژنەی پەروەردە لە ئەنجومەنی نوێنەرانی عێراق داوای راگرتنی پڕۆسەی خوێندنی بۆ سبەی دووشەمەکرد و لە چەند پارێزگایەکیش دەوام راگیرا.
لە پارێزگای بابل و کەربەلا و زیقار دەوامی فەرمی بەتەواوی راگیرا بەهۆی بارانبارینەوە، جگە لە فەرمانگە خزمەتگوزاریی و ئەمنییەکان.
بەڕێوەبەرایەتی پەردوەردەی رەسافەی دوو لە پارێزگای بەغداد و بەڕێوەبەرایەتی پەروەردەی کەرخی دوو لە بەغداد دەوامی خوێندگەکانی راگرت بەهەمان هۆکار.
محمود حسێن جێگری یەکەمی سەرۆکی لیژنەی پەروەردە لە راگەیەندراوێکدا داوای لە وەزیری پەروەردە کردووە بەهۆی بارانبارینی زۆر و دروستبوونی لافاو لە شەقامەکان، بۆ سبەی دووشەممە، لەسەرجەم دامەزراوە پەروەردەییەکان، بەمەبەستی پاراستنی سەلامەتیی خوێندکاران و مامۆستایان دەوامی فەرمی رابگیرێت.
