ئەندامێکی خولی پێشووتری پەرلەمانی کوردستان رایدەگەیەنێت، لەبەر بەرژەوەندی گشتی و وەک هاوڵاتییەک ئەگەر بانکە حکومییەکانی عێراق بیانەوێت بێنە سلێمانی بینایان پێدەدەم.
ئیسماعیل گەڵاڵی، ئابوریناس و ئەندامی خولی پێشووتری پەرلەمانی کوردستان لە چاوپێکەوتنێکیدا ئاماژە بەوە دەکات، “من دوو بینام هەیە لە سلێمانی، ئەگەر بانکە حکومییەکانی عێراق بیانەوێت بەیانی بێنە سلێمانی بێبەرامبە دەیاندەمێ و پارەی ئاو و کارەباکەش خۆم بۆیان دەدەم”.
ئاماژە بەوەش دەکات، “بەهاتنی ئەو بانکانە بازاڕ، فەرمانبەران و پیشەسازیی لە کوردستان دەبوژێتەوە چونکە ئێستا کوردستان لە وشکبووندایە و بە پێدانی مووچە و هێنانی ئەو بانکانە دەبوژێتەوە”.
