تەندروستیی سلێمانی، رایدەگەیەنێت، مانگی رابردوو 509 بوژانەوەی دڵ بۆ چارەخوازان ئەنجامدراوە.
بەڕێوەبەرایەتیی گشتیی تەندروستیی سلێمانی لە راگەیەندراوێکدا بڵاویکردەوە، مانگی رابردوو لە نەخۆشخانەی پسپۆڕییەكانی دڵ لەشاری سلێمانی یەک ملیۆن و 530 نەخۆش سەردانیان كردووە و 695 نەخۆش بەمەبەستی وەرگرتنی چارەسەر داخڵ كراون.
بەپێی ئاماری بەڕێوەبەرایەتیی گشتیی تەندروستیی سلێمانی، لەو ماوەیەدا لەنەخۆشخانەی پسپۆڕییەكانی دڵ 509 بوژانەوەی دڵ و 18 نەشتەرگەری دڵ و 301 قەستەرە و 160 باڵۆن و 8 پەیس مەیكەر ئەنجامدراون.
بەپێی هەمان ئامار، مانگی رابردوو لەنەخۆشخانەی پسپۆڕییەكانی دڵ 315 پشكنینی سیتی سكان و 271 ئیكۆ و 346 هێڵكاری دڵ ئەنجامدراون ، هەروەها 54 چارەسەری سرووشتی كراوە و 113 تیشك گیراوە و پێنج هەزار و 957 پشكنینی تاقیگەیی ئەنجامدراون.
