وتەبێژی بەرگریی شارستانیی دهۆک رایدەگەیەنێت، ئێوارەی ئەمڕۆ ئاگر لە یەکەیەکی نیشتەجێبوون لە گەڕەکی رەزا-ی شاری دهۆک کەوتەوە.
رائید بێوار عەبدولعەزیز، وتەبێژی بەرگریی شارستانیی دهۆک لە لێدوانێکدا رایگەیاند، رووداوەکە بووەتە هۆی گیانلەدەستدانی ژنێک لەناو شوقەکەدا کە بەشێکی زۆری جەستەی سوتاوە.
دەشڵێت، تیمەکانی بەرگریی شارستانی توانیویانە ئاگرەکە کۆنترۆڵ بکەن و لێکۆڵینەوەکان بەمەبەستی دیاریکردنی هۆکاری ئاگرکەوتنەوەکە دەستیپێکردووە.
