بومەلەرزەیەک بە گوڕی 4.7 پلە بە پێوەری رێختەر باکووری مەغریبی هەژاند.
پەیمانگای جیۆفیزیای مەغریب بڵاویکردەوە، بومەلەرزەکە درەنگانی شەو روویداوە و لە بەشێکی زۆری ناوچەکانی باکوور هەستیپێکراوە.
بومەلەرزەکە ترسێکی زۆری لەناو هاوڵاتییانی ناوچەکەدا لێکەوتووەتەوە و بەشێکیان ماڵەکانی خۆیان چۆڵکردووە.
لە 8 ی تشرینی یەکەمی ساڵی رابردوو بومەلەرزیەک بە گوڕی 7 پلە بە پێوەری رێختەر ژمارەیەک شاری مەغریبی هەژاند و بەهۆیەوە دوو هەزار و 960 کەس گیانیان لەدەستدا و زیاتر لە شەش هەزار کەسیش برینداربوون، جگە لەو زیانە ماددەی گەورەیەی لە کارەساتەکە کەوتەوە.
