بە بڕیاری وەزیری دارایی و ئابوریی هەرێم سبەینێ مووچەی مانگی شەشی مامۆستایانی وانەبێژ و مووچەخۆرانی خوێندنی باڵا لە سنووری سلێمانی دابەشدەكرێت و بەڕێوەبەری خانەنشینیی سەربازیش لە سلێمانی ڕایدەگەیەنێـت، پارەی پێویست دابینكراوە و بڕیارە سبەینێ كۆتایی بەدابەشكردنی مووچەی خانەنشینانی سەربازی بهێندرێت.
بەپێی ئەو زانیارییانەی لە سەرچاوەیەكی تایبەتەوە بە تۆڕی میدیایی ئێستا دراوە بە بڕیاری ئاوات شێخ جەناب وەزیری دارایی و ئابوریی هەرێم سبەینێ مووچەی مانگی شەشی مامۆستایانی وانەبێژ و مووچەخۆرانی خوێندنی باڵا لە سنووری سلێمانی دابەشدەكرێت و كۆتایی بە دابەشكردنی مووچەی مانگی شەش دەهێندرێـت.
هاوكات عەزیز عەلی فەتاح، بەڕێوەبەری خانەنشینی پێشمەرگە لە سلێمانی لە لێدوانێكدا بە تۆڕی میدیایی ئێستای ڕاگەیاند، خانەنشینانی سەربازیی زۆرینەیان مووچەیان وەرگرتووە و ئەمڕۆش پارەی پێویستمان بۆ تەرخانكراوە و ئەگەر خانەنشینان سەردانمان بكەن سبەینێ كۆتایی بە دابەشكردنی مووچەی مانگی شەشی خانەنشینانی سەربازی دەهێندرێت.
