جەزای ساز، سەرۆکی کۆمەڵەی هونەری میللی بە تۆڕی میدیایی ئێستای راگەیاند، “رەزا جوولەکانی، هونەرمەندی میللی بەهۆی نەخۆشییەوە کۆچی دواییکرد”.
ئاماژەی بەوەشکرد، “لە ئێستادا تەرمەکەی لە زڕگوێزەوە بەرەو سلێمانی دەهێندرێت و چاوەڕوان دەکەین لە مزگەوتێکی سلێمانی رێورەسمی بەخاکسپاردنەکەی دەستی پێ بکات”.
رەزا جوولەکانی، هونەرمەندی میللی کورد، لە ساڵی 1964 لە گەڕەکی سەرشەقام لەدایکبووە و لە ساڵی 1978 یەکەم بەرهەمی بە شێوەی کاسێت بڵاوکردووەتەوە و بە کاریگەری حەسەن زیرەک دەستی بە گۆرانی وتن کردووە.
