سامان بەرزنجی وەزیری تەندروستیی هەرێم رایگەیاند، لە هەرێمی کوردستان تووشبوون بە شێرپەنجە لە خوار ستانداردی جیهانییەوەیە و لە هەر 100 هەزار کەسێک 150 کەسیان وەک تووشبووی شێرپەنجە دەستنیشاندەکرێن.
سامان بەرزنجی لە وتارێکدا کە لە کۆنفرانسی لوتکەی شێرپەنجە لە هەڵەبجە پێشکەشیکرد رایگەیاند، لە هەرێمی کوردستان لە هەر 100 هەزار کەس 150 کەسیان وەک تووشبووی شێرپەنجە دەستنیشاندەکرێت لە کاتێکدا لە ئاستی جیهاندا لە هەر 100 هەزار کەسێک 190 کەسیان وەک تووشبوو دەستنیشاندەکرێن.
ئاماژەی بەوەشکرد، تووشبوون بە شێرپەنجە لە هەرێم لەژێر ستانداردە جیهانییەکاندایە، بەڵام لەگەڵ ئەوەشدا گرفتیکی ئەمڕۆی لایەنی تەندروستییە، ئێمە وەک وەزارەتی تەندروستیی هەموو هەوڵی خۆمان دەدەین رووبەڕووی ئەم نەخۆشییە ببینەوە.
