لیژنەی باڵای بینینی مانگ لە ھەرێمی کوردستان رایگەیاند، “سبەینێ بەمەبەستی دیاریکردنی یەکەم رۆژی مانگی رەمەزانی پیرۆز کۆدەبینەوە”.
لە راگەیەندراوێکدا لیژنەی باڵای بینینی مانگی سەر بە وەزارەتی ئەوقافی هەرێمی کوردستان ئاماژە بەوە دەکات، “ئێوارەی 10ی ئازاری 2024، کاتژمێر 5:30 خولەک، بەھەماھەنگی لەگەڵ لیژنە لاوەکیەکان لە پارێزگا و ئیدارە سەربەخۆکانی ھەرێم بەمەبەستی دیاریکردنی یەکەم رۆژی مانگی رەمەزانی پیرۆز کۆدەبینەوە”.
دەشڵێت، “لە چەند شوێنێکی جیاوازی کوردستان چاودێری بینینی مانگ دەکەین و لەسەر بنەما و بەڵگە شەرعیەکان بڕیار لەسەر دیاریکردنی یەکەم رۆژی مانگی رەمەزانی پیرۆز دەدەین”.
