لە ناوچەی جەبەل بۆر، مینێکی چێندراو تەقییەوە و بەهۆیەوە کەسێک گیانیلەدەستدا و کوڕە 12 ساڵانەکەی برینداربوو.
فەرماندەیی پۆلیسی کەرکوک لە راگەیەندراوێکدا بڵاویکردەوە، لە ناوچەی جەبەل بۆر، مینێکی چێندراو تەقییەوە و بەهۆیەوە هاوڵاتییەکی سڤیل گیانیلەدەستداو کوڕە تەمەن 12 ساڵانەکەی برینداربوو.
لە راگەیەندراوەکەی فەرماندەیی پۆلیسی کەرکوک-دا هاتووە، ئەو باوک و کوڕە بە خێزانی بۆ گەشت و سەیران چوونەتە ئەو جێگایە، ئەو مینە چێنراوەش کۆنە و بۆ سەردەمی رژێمی پێشوو دەگەڕێتەوە.
ناوچەی جەبەل بۆر دەکەوێتە رۆژهەڵاتی باکووری پارێزگای کەرکوک.
