بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ سەید عەممار حەکیم، سەرۆکی رەوتی حیکمە كۆبووەوە.
لە کۆبوونەوەکەدا رەفعەت عەبدوڵا، جێگری سەرۆکی یەکێتی، دەرباز کۆسرەت رەسوڵ، ئەندامی مەکتەبی سیاسی و خالید شوانی، وەزیری دادی عێراق ئامادەیبوون، هەنگاوەکانی پێکهێنانی حکومەتی نوێی عێراق و تەواوکردنی رێکارە یاسایی و دەستوورییەکان لەکاتی خۆیدا جەختی لەسەر کرایەوە.
سەرۆک بافڵ گرنگیی پێویستیی بەردەوامیی دیالۆگی نیشتمانی لە نێوان لایەنەکان دووپاتکردەوە و رایگەیاند، یەکێتی بە ستراتیجی سەرۆک مام جەلالەوە، کاردەکات بۆ بەهێزترکردنی گیانی پێکەوەیی و زیاتر خزمەتکردنی خەڵکە خۆشەویستەکەمان.
