ئاسایشی هەولێر دەستگیرکردنی تۆمەتبارێکی راگەیاند کە لەگەڵ سێ تۆمەتباری دیکە تەقەیان لەماڵێک کردبوو.
بەڕێوەبەرایەتیی ئاسایشی هەولێر لە راگەیەندراوێکدا بڵاویکردەوە، بەفەرمانی دادوەری لێکۆڵینەوەی ئاسایشی هەولێر تۆمەتبار (د ، ع ، ع) دەستگیرکرا کە لە قەزای بنەسڵاوە لەگەڵ سێ تۆمەتباری دیکە هەڵیان کوتاوەتەسەر ماڵی هاوڵاتییەک و بەچەکی جۆری کڵاشینکۆف تەقەیەکی زۆریان لەو ماڵە کردووە و هەڵاتوون.
لە راگەیەندراوەکەی ئاسایشی هەولێردا هاتووە، رووداوەکە زیانی گیانی نەبووە ،لەئێستادا ئەو سێ تۆمەتبارەی دیکە بەناوەکانی (و ، ن ، ر)و (م ، ع ، ع)و(أ ،ر) هەڵاتوون و لەلایەن دادگاوە فەرمانی دەستگیرکردنیان بۆ دەرچووە.
