وەزارەتی سەرچاوە ئاوییەکانی عێراق بڵاویکردەوە، پێشبینیدەکرێت لە سەرەتای مانگی ئازار شەپۆلێکی نوێی بارانبارین عێراق بگرێتەوە و لە بەفربارینیش بەشێک لە ناوچەکانی هەرێم بگرێتەوە.
وەزارەتی سەرچاوە ئاوییەکانی عێراق بڵاویکردەوە، بەهۆی ئەو شەپۆلی بارانبارینەی هەفتەی رابردوو ناوچەکەی گرتەوە، عێراق توانییویەتی بڕێکی باش لە ئاو لە بەنداوەکاندا گلبداتەوە و یەدەگی ئاو بەرێژەیەکی بەرچاو بەرزبوونەتەوە.
ئاشکراشیکرد، پێشبینیدەکرێت لە سەرەتای مانگی ئازاردا شەپۆلێکی دیکەی بارانبارینی بەهێز عێراق و بەفربارینیش هەرێمی کوردستان بگرێتەوە بەو هۆیەشەوە ئاستی ئاوی رووبەرە ئاوییەکان بەشێوەیەکی بەرچاو بەرزتردەبنەوە.
وەزارەتەکە هۆشداریشیدا لەو زیادەڕەوییانەی کراونەتە سەر رووبار و دەریاچەکان، لە ئەگەری زیاتر بەرزبوونەوەی ئاوەکە زیانیان بەردەکەوێت، هاوکات ئامادەیی خۆیانی بۆ بەرەنگاربوونەوەی هەر حاڵەتێکی نەخوازراو دەربڕی.
