پارێزگاری میسیسیپی رایگەیاند، “هەلیکۆپتەرێکی پاسەوانی نیشتمانی کەوتە خوارەوە و بەهۆیەوە دوو سەرباز گیانیان لەدەستدا”.
تیت ریڤز، پارێزگاری میسیسیپی سەبارەت بە کەوتنە خوارەوەی هەلیکۆپتەرێک ئاماژەی بەو کرد، “هەلیکۆپتەرێکی پاسەوانی نیشتمانیی میسیسیپی لە جۆری AH-64 Apache لە کاتی راهێنانی ئاسایی خۆیدا کەوتە خوارەوە و دوو لە پاسەوانەکان بەهۆیەوە گیانیان لەدەستدا”.
ئەوەشی خستووەتەڕوو، “تیمی لێکۆڵینەوە و پزیشکی پسپۆڕ بەمەبەستی بەدواداچوون بۆ هۆکاری رووداوەکە سەرقاڵی لێکۆڵینەوەن”.
لە ئەمساڵدا ئەوە دەبێتە دووەم رووداوی لەو جۆرە و پێشتر ئیدارەی فڕۆکەوانیی ئەمریکا سەرەتای ئەم مانگە رایگەیاندبوو، هەلیکۆپتەرێکی جۆری Eurocopter EC 130 کە شەش کەسی تێدابوو لە ویلایەتی کالیفۆرنیا لە نزیک سنووری ویلایەتی نیڤادا کەوتە خوارەوە.
