زۆر کەس بەدەست کێشەی خەوەوە دەناڵێنن، وەکو خەوی پچڕپچڕ و خەبەربوونەوە لە شەودا کە بەزەحمەت جارێکی تر خەویان لێدەکەوێتەوە.
پسپۆڕانی تەندروستی هۆکارەکانیان بەم جۆرە دابەشکردووە:
سترێس، سترێس کاریگەری لەسەر هەموو لایەنەکانی تەندروستی هەیە، بە خەویشەوە و دەتوانێت ببێتە هۆی زۆر بەخەبەرهاتن لە شەودا، کەمی هۆرمۆنی خەو میلاتۆنین دەبێتە هۆی کێشەی خەو، هەروەها خراپی باری خەوتن کە دەبێتە هۆی بەئاگابوونەوە چەند لەشەودا.
جگە لەوەش نەخۆشییەکان و تێکچوونەکانی غودەی دەرەقی هۆکارێکی دیکەن کە کاریگەرییان لەسەر خولی خەو و بەئاگابوونەوە هەیە، وەستانی هەناسەدانیش دەبێتە هۆی زۆر بە ئاگاهاتنەوە بەهۆی کەمی ئۆکسجینەوە.
لەبارەی چارەسەرەکەیەوە پسپۆڕان دەڵێن، “بە پەیڕەوکردنی شێوازی ژیانی تەندروست و خۆراکی تەندروست و خواردنی تەندروست و ئەنجامدانی چالاکی جەستەیی و بەکارنەهێنانی ئامێری ئەلیکترۆنی و دوورکەوتنەوە لە رووناکی زۆر لە کاتی خەودا کاریگەری باشیان دەبێت.”
لەلایەکی دیکەشەوە خەوتن بەر لە کاتژمێر 12ی شەو کاریگەری بەرچاوی دەبێت و دابینکەری سووڕی خەوی تەندروستە.
