داتاکانی وەزارەتی گەشتوگوزاری تورکیا ئاماژەی بەوەکردووە، ژمارەی سەردانکەرانی بیانی کە لە مانگی کانوونی دووەمدا سەردانی وڵاتەکەیان کردووە، دوو ملیۆن و 50 هەزار گەشتیار بوون.
لە کاتێکدا، لە ساڵی 2023 لە هەمان مانگدا ژمارەی گەشتیاران ملیۆنێک گەشتیار بووە و لە ساڵی 2022دا ژمارەکە ملیۆنێک و 280 هەزار گەشتیار بووە.
لە مانگی کانوونی دووەمی ساڵی رابردوودا، تورکیا هاوڵاتییانی شەش وڵاتی نوێی لە ڤیزەی چوونەژوورەوەی وڵاتەکەی بە مەبەستی گەشت و گوزار بەخشی، لەنێویاندا وڵاتانی کەنداو، بەمەبەستی بەرزکردنەوەی جوڵەی گەشتیاری.
تورکیا لە پلەی شەشەمی جیهاندایە لە ژمارەی گەشتیار، دوای ئەوەی لە ساڵی 2019دا 52 ملیۆن و 500 هەزار سەردانکەر سەردانیان کردووە، بەپێی ئامارەکانی رێکخراوی گەشتیاریی جیهانی.
