بەڕێوەبەرایەتیی ئاوی سلێمانی هاوڵاتییان ئاگاداردەكاتەوە و دەڵێت، “بەهۆی كێشەی كارەباوە دابەشكردنی ئاو لە زۆرینەی گەڕەكەكانی سلێمانی دوادەكەوێت”.
بەپێی راگەیەندراوێكی بەڕێوەبەرایەتیی ئاوی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، گرفتی كارەبا لە پڕۆژەكانی دابەشكردنی ئاوی سلێمانی دروستبووە و هاوڵاتییان ئاگاداردەكەینەوە كە لە زۆرینەی گەڕەكەكانی سلێمانی دابەشكردنی ئاو دوادەكەوێت تاوەكو كێشەكە چارەسەردەكرێت.
هەر لە راگەیەندراوەكەدا هاتووە، لە دوای چارەسەركردنی كێشەكە دابەشكردنی ئاو بەسەر گەڕەكانی شاری سلێمانیدا ئاساییدەبێتەوە.
