ئەندامێكی ئەنجومەنی نوێنەرانی عێراق رایدەگەیەنێت، “حكومەتی عێراق داوای وردەكاریی لیستی مووچە و میلاكات لە هەرێمی كوردستان دەكات، دەشڵێت، ” تا ئەو كاتەی یاسای بودجە هەمواردەكرێتەوە ئەو پارەیەی كە بۆ مووچەی فەرمانبەرانی هەرێم رەوانەدەكرێت دوادەكەوێت”.
غەریب ئەحمەد، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، حكومەتی عێراق لە “بیانوو” دەگەڕێت و دەیەوێت ناردنی مووچەی مووچەخۆرانی هەرێمی كوردستان دوابخات و پێیانووایە ژمارەی مووچەخۆرانی هەرێم لە 700 هەزار مووچەخۆر تێپەڕناكات لە كاتێكدا هەرێمی كوردستان زیاتر لە یەك ملیۆن مووچەخۆری هەیە.
ئەو پەرلەمانتارە وتیشی، “تا ئەو كاتەی یاسای بودجە هەمواردەكرێتەوە ئەو پارەیەی كە بۆ مووچەی فەرمانبەرانی هەرێم رەوانەدەكرێت دوادەكەوێت”.
