وەزیری کشتوکاڵی هەرێم رایگەیاند، بەمەبەستی چارەسەرکردنی کێشەی هەناردەکردنی بەرهەمی کێڵگە پەلەوەرییەکانی هەرێم لیژنەیەکی هاوبەشیان دروستکردووە و یەکشەممەی داهاتوو سەردانی شاری بەغداد دەکەن.
بێگەر تاڵەبانی وەزیری کشتوکاڵ و سەرچاوەکانی ئاو بە میدیاکانی راگەیاند، “هەفتەی رابردوو لە بەغداد بووم لەگەڵ وەزیری کشتوکاڵی عێراق کۆبووینەوە، لیژنەیەکی باڵا لەسەر ئاستی عێراق هەیە کە کۆنتڕۆڵی بڕ و جۆری هاتوچۆی بەرهەمە کشتوکاڵییەکان دەکات، من داواملێکردن نوێنەری هەرێمیش لەو لیژنەیەدا هەبێت، بۆیە ئەوانیش رازی بوون و ئێمەش راوێژکارێکی وەزارەتمان بۆ ئەو مەبەستە راسپارد”.
وتیشی، “لەگەڵ وەزیری کشتوکاڵێ عێراق بڕیارماندا بە زوویی بابەتی ناردنی بەرهەمی کێڵگە پەلەوەرییەکانی هەرێم چارەسەر بکەین، بۆ ئەو مەبەستەش لیژنەیەکی هاوبەشمان دروستکرد، رۆژی یەکشەممە لیژنەکە سەردانی بەغداد دەکات”.
