بەپێی بڕیارێکی بافڵ جەلال تاڵەبانی، سەرۆکی یەکێتیی نیشتمانیی کوردستان، کە لە ساڵی 2022 دەریکردووە، رێگە بە هیچ کەسێک نادرێت لە ناو حزبەکە ناونیشان و بەرپرسیارێتی خۆی بۆ دەستکەوتی تایبەت و کەسیی بەکاربهێنێت.
لە نوسراوێکدا کە لە 15ی ئابی 2022 دەرچووە و لەو رێککەوتەوە کاریپێکراوە هاتووە، هەر لێپرسراوێکی یەکێتیی نیشتمانیی کوردستان لە سنووری سلێمانی لەهەر ئاست و بەرپرسیارێتییەکی حزبیی، رێکخراوەیی، حکومی و سەربازییدا بێت بەهیچ شێوەیەک رێگەپێدراو نییە کە :
1-ناونیشان و بەرپرسیارێتی خۆی بەکاربهێنێت بۆ دەستکەوتی تایبەت و کەسیی بەتایبەت بۆ وەرگرتنی زەوی و زار و موڵکی گشتی یاخود فشار بخاتە سەر فەرمانبەر و دامەزراوە حکومییەکان.
2-هەرهەڤاڵێکی یەکێتی لەهەر ئاستێکی حزبیدا بێت سەرپێچی لەم شێوەیە بکات، جگە لەوەی رووبەرووی یاسا دەکرێتەوە، بەگوێرەی پەیڕەوی ناوخۆی یەکێتیی نیشتمانیی کوردستانیش سزای توندی حزبی و رێکخراوەیی دەدرێت.
