وەزارەتی دارایی لەبارەی وەرگرتنەوەی پارە لە دوو موچەکان بڕیاریدا

وەزارەتی دارایی و ئابوریی حکومەتی هەرێم ڕێنماییەكی دەركرد لەبارەی وەرگرتنەوەی پارە لەو كەسانەی دوو موچەیان وەرگرتووە، ئەو كەسانەی لە 1/7/2020 بەدواوە دوو موچەیان وەرگرتووە، ئەو پارەیەیان لێوەردەگیرێتەوە.

بەپێی نووسراوێکی وەزارەتی دارایی حکومەتی هەرێم، ئەو كەسانەی پێش 1/7/2020 دوو موچەیان وەرگرتووە، پارەیان لێوەرناگیرێتەوە، بەڵام ئەوانەی لەدوای ئەو بەروارەوە زیاتر لە موچەیەكیان وەرگرتووە، لێیان وەردەگیرێتەوە و تەنها ئەو موچەیە وەردەگرێت کە موچەخۆرەکە هەڵیبژاردووە.

لە خاڵێکی دیکەی ڕێنماییەكەدا، وەزارەتی دارایی ڕێکارەکانی لێوەرگرتنەوەی پارەکەی لە موچەخۆر ڕوونکردوەتەوە و دەڵێت، “بڕی لێوەرگرتنەوەکە لە موچەخۆر بە ڕێژەی (5/1)ی کۆی موچەکەی (بنەڕەتی و دەرماڵە) زیاتر نەبێت”.

وەزارەتی دارایی ئاشکرایکردووە، ئەو بڕیارانە لەدوای بڵاوبوونەوەی ڕێنماییەكە لە ڕۆژنامەی وەقائعی کوردستان کاری پێدەکرێت.

هۆكاری دیاریكردنی 1/7/2020 لەلایەن وەزارەتی داراییەوە بۆ جیاكردنەوەی وەرگرتنەوە و وەرنەگرتنەوەی پارە لەو كەسانەی دوو موچەیان هەیە، ئەوەیە كە لەو بەروارەوە یاسای چاكسازی لەلایەن حكومەتی هەرێمی كوردستانەوە دەست بە جێبەجێكردنی كراوە.

بابەتی پێشتر

عێراق ڕەتیدەكاتەوە پەنابەری ئەفغانی لە ئەنبار نیشتەجێ بكەن

بابەتی دواتر

کێ خه‌تاباره‌؟ میدیا جیهانییه‌کان کلاسیکۆی زه‌وی به‌ ئابڕوچوون ناوده‌به‌ن

بابەتی پەیوەندیدار