بانکی ناوەندیی عێراق خشتەی فرۆشتنی دۆلاری بۆ ئەمڕۆ بڵاوکردەوە و نزیکەی 213 ملیۆن دۆلاری خستووەتە بازاڕەوە.
بەپێی راگەیەندراوەکەی بانکی ناوەندی کە وێنەیەکی دەست تۆڕی میدیایی ئێستا کەوتووە، ئەمڕۆ بڕی 213 ملیۆن و 604 هەزار و 104 دۆلاری خستووەتە بازاڕەوە، لەو بڕەش 209 ملیۆن و 194 هەزار و 104 دۆلاریان بە شێوەی حەواڵەیە و تەنها 4 ملیۆن و 410 هەزار دۆلاری بە شێوەی نەختینە بووە.
کۆتا خستنەڕووی خشتەی فرۆشی دۆلار لەلایەن بانکی ناوەندیی عێراقەوە 11ی شوباتی 2024 بوو کە تێیدا 208 ملیۆن و 258 هەزار و 40 دۆلاری خستە بازاڕەوە و لەو بڕەش 13 ملیۆن و 270 هەزار دۆلاریان بەشێوەی نەختینە بووە.
سەبارەت بە نرخی دۆلار لە بازاڕەکانی هەرێم، لە کاتی کردنەوەی بازاڕی ئاڵوگۆڕی دراو نرخی 100 دۆلاری ئەمریکی بەرامبەر بە 152 هەزار و 50 دیناری عێراق مامەڵەی پێوەدەکرێت.
