درایس ڤان ئاغت سەرۆک وەزیرانی پێشووتری هۆڵەندا و هاوسەرەکەی بەیەکەوە و دەست لەناو دەست لەنەخۆشخانە و لە رێگای “مەرگی بەخشندە” کۆچی دواییان کرد.
ڤان ئاغت لە نێوان ساڵانی 1977 – 1982 سەرۆک وەزیرانی هۆڵەندا بووە، ماوەی 70 ساڵ بوو هاوسەرگیری لەگەڵ ئۆجینی خۆشەویستی کردبوو و بەیەکەوە ژیانیان دەکرد.
ماوەی چەند ساڵێک بوو بەهۆی چوونە تەمەن و خوێنبەربوونی مێشک دۆخی تەندروستیی بە تەواوی تێکچووبوو، تا بۆ دواجار بڕیاریاندا لەگەڵ هاوسەرەکەیدا ئەم جیهانە جێبهێڵن.
ئەم دوو هاوسەرە بەیەکەوە لە رێورەسمێکدا لە شاری نایمیخنی رۆژهەڵاتی وڵاتەکە بەخاکسپێردران.
