ستران عەبدوڵا ئەندامی سەركردایەتیی یەكێتی لە دیدارێكی تەلەفزیۆنیدا رایگەیاند، یەكێتی ببێتەوە یەكەمی كوردستان هەر ئەوە چارەسەری تەنگژەكەیە و دەشڵێت، “یەكێتی بۆ ئەو هەلومەرجە نوێیە خۆی رێكدەخات كە لە ناوچەكەدا هاتووەتەئاراوە”.
راشیگەیاند، كۆنفرانسی مەكتەبی رێكخستن بەرهەمی كۆنگرەی یەكێتی بوو و بەشداریكردنی كەسانی شارەزا و مامۆستایانی زانكۆ لە پێشخستنی یەكێتیدا گرنگە و یەكێتی بۆ ئەو هەلومەرجەی لە ناوچەكە هاتووەتەئاراوە خۆی رێكدەخات.
وتیشی، “یەكێتی پێداگریی لەسەر عێراقی تەوافقی دەكات، چونكە حزبی سیاسی هەمیشە دەتوانێت پرسە نیشتمانییەكان سەربخات”.
ستران عەبدوڵا راشیگەیاند، تەبایی یەكێتی و پارتی لەم قۆناغەدا گرنگە بەو پێیەی لە ئێستادا وتاری هەندێك لایەنی عێراقی مەترسیدارە”.
