سەرۆكی دەستەی ناوچە كوردستانییەكانی دەرەوەی ئیدارەی هەرێم رایدەگەیەنێت، دەبێت پارێزگارێك بۆ كەركوك دابنرێت كە كورد بێت و دەشڵێت، “هەوڵێك هەیە كە كورد بە تەواوی لە كەركوك نەمێنێت”.
فەهمی بورهان، سەرۆكی دەستەی ناوچە كوردستانییەكانی دەرەوەی ئیدارەی هەرێم لە دیدارێكی تەلەفزیۆنیدا رایگەیاند، بوونی پارێزگارێكی كورد لە كەركوك مانای زۆری هەیە و دەبێت پارێزگارێك بۆ كەركوك دابنرێت كە كورد بێت و لە ئێستاشدا لێكتێگەیشتن لە نێوان یەكێتی و پارتی لەسەر پرسی پارێزگاری كەركوك هەیە.
وتیشی، “هەوڵێك هەیە كە كورد بە تەواوی لە كەركوك نەمێنێت، بۆیە دانانی پارێزگارێكی كورد لە كەركوك زۆر كێشەی شارەكە چارەسەر دەكات و لە ماوەی رابردووشدا كێشەكانی كورد لەو ناوچانە چارەسەرنەكراون”.
