وەزیری پەروەردەی هەرێم رایدەگەیەنێت، كەمكردنەوەی پڕۆگرامی خوێندن گرفت بۆ خوێندكاران لە زانكۆ و پەیمانگەكان دروستدەكات و دەشڵێت، “دەستپێشخەرییمان بۆ خوێندكاران هەیە و بڕیارێك لە بەرژەوەندیی خوێندكاران دەدرێت و ئەو بابەتە دەهڵێدرێتەوە بۆ كۆبوونەوەی ئەنجومەنی وەزارەتی پەروەردە”.
ئالان حەمەسەعید وەزیری پەروەردەی هەرێم لە لێدوانێكیدا رایگەیاند، كەمكردنەوەی پڕۆگرامی خوێندن گرفت بۆ خوێندكاران لە زانكۆ و پەیمانگەكان دروستدەكات و كاردەكەین میكانیزمێك دابنرێت ئەو خوێندنگەیانەی كە دەوامیان نەكردووە كاتی زیاتریان پێبدرێت و قەرەبووبكرێنەوە و وەك وەزارەت ئامادەییمان دەربڕیوە.
وتیشی، “دەستپێشخەرییمان بۆ خوێندكاران هەیە كە بڕیارێك لە بەرژەوەندیی خوێندكاران دەدرێت و ئەو بابەتە دەهڵێدرێتەوە بۆ كۆبوونەوەی ئەنجومەنی وەزارەت”.
