وەزیری ناوخۆی تورکیا رایگەیاند، هەلیکۆپتەرێکی پۆلیس لە باشووری تورکیا کەوتەخوارەوە و بەهۆیەوە دوو ئەفسەری پۆلیس گیانیان لەدەستدا و تەکنیککارێکیش بریندار بوو.
عەلی یەرلیکایا وەزیری ناوخۆی تورکیا لە راگەیەندراوێکدا ئاماژەی بەوەکردووە، شەوی رابردوو هێلیکۆپتەرێکی پۆلیس لە فڕۆکەخانەی هاتایەوە رۆشتووە بەرەو فڕۆکەخانەی غازی عەنتاب و لە کاتژمێر 10:29 خولەکدا کەوتووەتە خوارەوە.
باسی لەوەشکردووە، هێلیکۆپتەرەکە لە ناوچەی نزیک گونفی کارتالی سەر بە غازی عەنتاب کەوتووەتەخوارەوە، بەبێ ئەوەی ئاماژە بە هۆکاری کەوتنەخوارەوەکە بکات.
