بەڕێوەبەرایەتیی كەشناسیی هەرێم پێشبینییەكانی بۆ كەشوهەوای ئەمڕۆ و سبەی بڵاودەكاتەوە كە بەپێی پێشبینییەكان ئەگەری بارینی نمەباران لە هەندێك ناوچەی پارێزگای هەولێر هەیە و لە سنووری پارێزگای سلێمانی و ئیدارەی گەرمیان بارانبارین دەبێت و لە ناوچە شاخاوییەكانی لەكاتی بارانباریندا ئەگەری بەفربارین هەیە و پلەكانی گەرماش نزمدەبنەوە.
بەپێی راگەیەندراوێكی بەڕێوەبەرایەتیی كەشناسیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان نیمچەهەور بۆ هەوری تەواودەبێت و ئەگەری بارینی نمەباران لە هەندێك ناوچەی پارێزگای هەولێر هەیە و لە سنووری پارێزگای سلێمانی و ئیدارەی گەرمیان بارانبارین دەبێت و لە ناوچە شاخاوییەكانی لەكاتی بارانبارین ئەگەری بەفربارین هەیە بە تایبەت ناوچە شاخاوییە سنوورییەكانی رۆژهەڵات.
ئاماژە بۆ ئەوەش كراوە، پلەكانی گەرما بە نزیكەی 2 تا 5 پلە نزمتردەبن بە بەراورد بە تۆماركراوەكانی دوێنێ، بەڵام لە ناوچە شاخاوییەكان زیاتر دادەبەزن.
هەر لە راگەیەندراوەكەدا هاتووە، سبەی شەممە ئاسمان نیمچەهەور دەبێت لە هەندێك ناوچە دەگۆڕێت بۆ هەوری تەواو و ئەگەری بارینی نمەباران و بەفرێكی كەم لە ناوچە شاخاوییەكان هەیە و لە كاتەكانی شەو و بەیانی زوودا لە هەندێك ناوچە ئەگەری دروستبوونی تەم هەیە و پلەكانی گەرما نزیكدەبنەوە لە تۆماركراوەكانی ئەمڕۆ.
بەرزترین پلەكانی گەرمای پێشبینیكراو بە پلەی سیلیزی :
هەولێر : 12 پلەی سیلیزی
سلێمانی : 7 پلەی سیلیزی
دهۆك : 12 پلەی سیلیزی
كەركوك : 12 پلەی سیلیزی
هەڵەبجە : 6 پلەی سیلیزی
زاخۆ : 12 پلەی سیلیزی
گەرمیان : 10 پلەی سیلیزی
حاجی ئۆمەران: -5پلەی سیلیزی
