سەرۆكی فەرمانگەی هەماهەنگی و بەدواداچوونی ئەنجومەنی وەزیرانی هەرێم رایدەگەیەنێت، هەمواری یاسای بودجە چارەسەری كێشەی مووچەی مووچەخۆرانی هەرێم دەكات بەو لێكتێگەیشتنەی لە نێوان هەرێم و بەغداد كراوە.
عەبدولحەكیم خەسرەو سەرۆكی فەرمانگەی هەماهەنگی و بەدواداچوونی ئەنجومەنی وەزیرانی هەرێم لە دیدارێكی تەلەفزیۆنیدا رایگەیاند، هەمواری یاسای بودجە چارەسەری كێشەی مووچەی مووچەخۆرانی هەرێمی كوردستان دەكات بەو لێكتێگەیشتنەی لە نێوان هەرێم و بەغداد كراوە بەو مەرجەی گرفت بۆ هەمواركردنەوەكە و پشكی هەرێمی كوردستان دروستنەكرێت و پێویستە هێزە كوردستانییەكان لە بەغداد یەك دەنگ و یەك هەڵوێست بن.
وتیشی، “بۆ هەمواركردنەوەی یاسای بودجە لەگەڵ حكومەتی عێراق لە هەوڵداین و پێشتریش و بەهیچ شێوەیەك بابەتی ئینفاقی فیعلی نەبووین”.
