میدیای یەکێتی رایگەیاند، پارتی لە کەرکوک دەنگی پێویستی نەهێناوە، دەیەوێت ئەو شکان و دۆڕانەی خۆیان گشتگیربکەن بۆ پرسی کورد و دەڵێن، ‘کورد شکستیهێناوە’.
میدیای رەسمیی یەکێتیی نیشتمانیی کوردستان بڵاویکردەوە، لە دوای راگەیاندنی ئەنجامەکانی هەڵبژاردن، بەتایبەت لە کەرکوک، دەرکەوت یەکێتیی نیشتمانیی کوردستان چوار کورسیی بەدەستهێناوە و ژمارەی دەنگەکانیشی بە رێژەیەکی بەرچاو زیادیکردووە، ئەمەش بە واتایەکی دیکە، سەنگی کورد بە قەبارەیەکی گەورەترەوە سەلمێندرا.
ئاماژەی بەوەشکرد، پارتی بەهۆی ناکۆکییەکانی خۆیان و شەڕی نێوان کاندیدەکانیانەوە، دەنگی پێویستی نەهێنا و شکا، دەیەوێت ئەو شکان و دۆڕانەی خۆی گشتگیربکات بۆ پرسی کورد و دەڵێت، کورد شکستیهێناوە، لەکاتێکدا لەم هەڵبژاردنە، دەنگی کورد زیادیکردووە، بەڵام راستییە تاڵەکە بۆ پارتی ئەوەیە، کە کەرکوک جارێکی دیکە پارتی رەتکردەوە و پارتی تامی شکستێکی گەورەی کرد.
