عمران خان سەرۆک وەزیرانی پێشووی پاکستان بە تاوانی دزەپێکردنی زانیارییەکانی دەوڵەت بە 10 ساڵ زیندانیکردن سزادرا.
ئەمڕۆ سێشەممە دادگای باڵای ئیسلام ئاباد بڕیاریدا عمران خان سەرۆک وەزیرانی پێشووی پاکستان بە تاوانی دزەپێکردنی نهێنییەکانی وڵات 10 ساڵ زیندانی بکرێت.
لە 29 ی ئابی ساڵی رابردوو بە کەفالەت ئازادکرا بۆ ئەوەی تێهەڵچوونەوە بە بڕیاری دادگا بکرێت.
عمران خان زیاتر لە 100 تۆمەتی ئاڕاستەکراوە، دەستگیرکردنیشی ناڕەزایەتیی لایەنگرانی لێکەوتەوە.
