بریكاری وەزارەتی كارەبای هەرێم رایدەگەیەنێت، هێرشەكەی سەر كێڵگەی غازی كۆرمۆر كاریگەری لەسەر بەرهەمهێنانی كارەبا هەبووە كە غازی شل بۆ وێستگەكان دابیندەكات و دەشڵێت، “بەرهەمهێنانی كارەبا گەیشتووەتە 3800 مێگاوات”.
كامیل قەزاز بریكاری وەزارەتی كارەبای هەرێم لە دیدارێكی تەلەفزیۆنیدا رایگەیاند، پێشتر ئاستی بەرهەمهێنانی كارەبا 4 هەزار مێگاوات و زیاتربووە و ئێستا ئاستی بەرهەمهێنان گەیشتووەتە 3800 مێگاوات لە كاتێكدا خواست لەو بڕە زیاترە.
وتیشی، “85 %ی بەرهەمهێنانی كارەبا پشت بە غازی شل دەبەسترێت و لە دوای هێرشەكەی سەر كۆرمۆر تاوەكو ئێستا توانراوە لە 95%ی ئاستی كارەبا بەرهەمبهێنرێتەوە”.
