مستەفا كازمی سەرۆكوەزیرانی عێراق و حەسەن كەعبی جێگری یەكەمی سەرۆكی پەرلەمان، سامانی خۆیان بۆ دەستەی دەستپاكی ئاشكراكرد.
بە گوێرەی ڕاگەیاندراوێكی دەستەی دەستپاكیی عێراق، ئەمڕۆ دووشەممە 4ی كانونی دووەم، مستەفا كازمی سەرۆكوەزیرانی عێراق وەك یەكەم كاربەدەستی باڵای دەوڵەت، سامان و ئەستۆپاكیی خۆی بۆ “فەرمانگەی خۆپاراستن” لە دەستەی دەستپاكی ئاشكراكردووە.
لە ڕاگەیاندراوێكی تردا، دەستەی دەستپاكیی عێراق بڵاویكردەوە، “حەسەن كەعبی، جێگری یەكەمی سەرۆكی پەرلەمان، ئەمڕۆ دووشەممە 4ی كانونی دووەم، سامان و ئەستۆپاكیی خۆی بۆ “فەرمانگەی خۆپاراستن” لە دەستەی دەستپاكی ئاشكراكردووە و ئەویش بووەتە دووەم گەورە كاربەدەستی دەوڵەت و یەكەم ئەندامی دەستەی سەرۆكایەتیی پەرلەمان، كە لەمساڵدا ئەو هەنگاوە بنێت.”
بە گوێرەی یاسای ئەستۆپاكی لە دەستەی دەستپاكیی عێراق، دەبێت ساڵانە سەرۆكی پەرلەمان و هەردوو جێگرەكەی و سەرۆكوەزیران و جێگر و وەزیرەكانی كابینەكەی و ئەوانەی پلەی وەزیریان هەیە، سامانی خۆیان بۆ دەستەی دەستپاكی ئاشكرابكەن.
