ئەندامێكی ئەنجومەنی نوێنەرانی عێراق رایدەگەیەنێت، تا یاسای بودجە لە ئەنجومەنی نوێنەران هەمواردەكرێتەوە مانگانە بڕە پارەیەك بۆ مووچەی مووچەخۆرانی هەرێمی كوردستان دەنێردرێت.
سروە محەمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستا رایگەیاند، لە كۆبوونەوەی ئەنجومەنی وەزیرانی عێراقدا دەنگ لەسەر ناردنی 618 ملیار دینار بۆ مووچەی مووچەخۆرانی هەرێمی كوردستان دراوە و ئەو كۆبوونەوانەی لە ماوەی رابردوودا ئەنجامدراون بەشێكی زۆری كێشەكانی نێوان هەرێم و بەغداد چارەسەركراون.
وتیشی، “كێشەی مووچەی مووچەخۆران چارەسەردەبێت و ئەو پارەیەی رەوانە دەكرێت قەرز نییە، جگەلەوەش تا ئەو كاتەی سەرۆكی ئەنجومەنی نوێنەرانی عێراق هەڵدەبژێردرێت و یاسای بودجە هەمواردەكرێتەوە مانگانە پارە بۆ مووچەی مووچەخۆرانی هەرێمی كوردستان رەوانەدەكرێت.
