دوای نیوەڕۆی ئەمڕۆ لە گوندی حەساری سەر بە پارێزگای کەرکوک ئاگر لە رووبەرێکی فراوانی زەوی جوتیاران کەوتەوە و زیانێکی زۆری ماددی لێکەوتەوە.
پەیامنێری تۆڕی میدیایی ئێستا گواستییەوە، “دوای نیوەڕۆی ئەمڕۆ لە گوندی حەساری سەر بە پارێزگای کەرکوک ئاگر لە زەوی بە گەنم و دەغڵ و دان چێندراوی جوتیارانی سنوورەکە کەوتەوە”.
ئاماژەی بەوەشکرد، “ئاگرەکە بەهۆی شۆرتی کارەباوە بووە لەو ستوونی کارەبایانەی بە زەوییەکاندا تێپەڕبوون، بەڵام توانراوە کۆنتڕۆڵبکرێت”.
ئاشکراشیکرد، “لە رووداوەکەدا 50 دۆنم زەوی سووتاوە کە گەنمی تێدا چێندراوە”.
