توێژینەوەیەك دەڵێت، ئەو خۆراكانەی دەوڵەمەندن بە پڕۆتینی رووەكی، وەك پاقلەمەنی و چەرەس هاریكاریی ژنان دەكەن بۆ مانەوە بە تەندروستییەكی باشەوە سەرەڕای چوونە تەمەنەوە.
بەپێی توێژینەوەكە ئەو ژنانەی زیاتر پڕۆتینی رووەكی دەخۆن، كەمتر تووشی نەخۆشییە درێژخایەنەكان دەبنەوە و، بەشێوەیەكی گشتی خاوەن تەندروستییەكی باشترن لە كاتەكانی دیكەی ژیانیاندا.
توێژەران دەڵێن، تێبینیی دابەزینێكی بەرچاوی نەخۆشییەكانی دڵ، شێرپەنجە، شەكرە و تێكچوونی تەندروستیی ژیریی و مێشك-یان كردووە لەو ژنانەی بڕێكی زیاتری پرۆتین لە ژەمە خۆراكییەكانیاندا بووە لە سەرچاوەكانی وەك (میوە، سەوزە، نان و سەموون، فاسۆلیا، پاقلەمەنی و مەعكەرۆنی).
هەر بەپێی ئەنجامەكان، ئەو ژنانەی حەزیان بۆ بڕێكی زۆرتری پرۆتینی گیانداری هەیە، زیاتر رووبەڕووی نەخۆشییە درێژخایەنەكان دەبنەوە.
