لە قەزای سەیدسادق تۆمەتبارێك دەستگیركرا كە لەلایەن دادگای تاوانەكانی سلێمانی2ەوە داواكراوبوو.
بەڕێوەبەرایەتیی پۆلیسی پارێزگای سلێمانی لە راگەیاندراوێکدا بڵاویکردەوە، دوای ئەوەی بڕیاری دەستگیركردنی تۆمەتبارێك لەلایەن دادگای تاوانەكانی سلێمانی2، گەیشتە بەڕێوەبەرایەتیی پۆلیسی پارێزگای سلێمانی، هێزەكانی پۆلیس لێكۆڵینەوەو بەدواداچوونەكانیان بۆ دۆزینەوەو دەستگیكردنی تۆمەتبار دەستپێكرد.
باس لەوەش دەکات، سەرەنجام توانرا لەلایەن مەفرەزەکانی نوسینگەی نەهێشتنی تاوانی سەیدسادقەوە تۆمەتبار بدۆزرێتەوەو دەستگیربكرێت.
لە راگەیاندراوەکەدا هاتووە، لەئێستادا تۆمەتبار (ز، ع، ق لەدایكبووی 1977) بەبڕیاری دادوەرو بەپێی ماددەی 444 لەیاسای سزادانی عێراقی راگیراوە.
